நவீன தொழில்நுட்பம் தொடர்பில் கவனம் செலுத்த வேண்டும் – பிரதமர் தினேஷ் குணவர்தன

நவீன தொழில்நுட்பம் தொடர்பில் கவனம் செலுத்த வேண்டும் என பிரதமர் தினேஷ் குணவர்தன வலியுறுத்தியுள்ளார். ஆயிரக்கணக்கில் மின்கம்பிகளை அமைத்து கோடிக்கணக்கான ரூபாய் செலவழித்து குடியேற்றமொன்றுக்கு மின்சாரம் வழங்கும் தேவை தற்போது இல்லை என அவர் சுட்டிக்காட்டியுள்ளார்.

பத்தரமுல்லை, செத்சிறிபாய இரண்டாம் கட்டத்தில் அமைந்துள்ள கேட்போர் கூடத்தில் இன்று (02) நடைபெற்ற உலக குடியிருப்பு தின நிகழ்வில் கலந்து கொண்டு உரையாற்றும் போதே பிரதமர் தினேஷ் குணவர்தன மேற்கண்டவாறு தெரிவித்தார். நகர அபிவிருத்தி மற்றும் வீடமைப்பு அமைச்சினால் ஏற்பாடு செய்யப்பட்டது.

1986 ஆம் ஆண்டில், ஐக்கிய நாடுகள் சபை ஒவ்வொரு ஆண்டும் அக்டோபர் முதல் திங்கட்கிழமை உலக குடியிருப்பு தினமாக அறிவித்தது.

இந்த ஆண்டு 37வது முறையாக உலக குடியிருப்பு தினம் கொண்டாடப்பட்டது. “பாதுகாப்பான நகரப் பொருளாதாரம்” என்பது இந்த ஆண்டு உலக குடியிருப்பு தினத்தின் கருப்பொருளாகும்.

நகர அபிவிருத்தி மற்றும் வீடமைப்பு அமைச்சு உலக குடியேற்ற தினத்துடன் இணைந்து குடியிருப்பு வாரத்தை அறிவித்துள்ளதுடன் அதன் ஆரம்ப நிகழ்வாக இந்த நிகழ்வை ஏற்பாடு செய்துள்ளது.

உலக குடியிருப்பு தினத்தை முன்னிட்டு தேசிய வீடமைப்பு அபிவிருத்தி அதிகாரசபை நடத்திய அகில இலங்கை ரீதியிலான ஓவியம் மற்றும் கட்டுரைப் போட்டியில் வெற்றி பெற்றவர்களுக்கு பிரதமர் பரிசுகளை வழங்கினார். அதுமட்டுமின்றி, நகர குடியிருப்பு அபிவிருத்தி அதிகார சபையினால் ஏற்பாடு செய்யப்பட்ட குடியிருப்புகளுக்கு இடையிலான நடனப் போட்டியில் வெற்றி பெற்ற அணிகளுக்கு பிரதமர் பரிசில்களையும் வழங்கினார்.

அங்கு மேலும் கருத்து தெரிவித்த பிரதமர்,

மனித சமூகத்தில் அடிப்படை மனித உரிமைகளைப் பெற உலகம் தொடர்ந்து முயற்சித்து வருகிறது. அதற்காக நாடுகள், தேசிய, அமைப்புகளுக்கு இடையே சில முக்கிய பிரச்சினைகள் தொடர்பாக ஒப்பந்தங்கள் எட்டப்படுகின்றன. நீண்ட காலத்திற்கு முன்பே, ஐக்கிய நாடுகள் சபை மனித சமுதாயத்தில் உணவு, உறைவிடம் மற்றும் உடைகளை அடிப்படை மனித உரிமைகளாக அங்கீகரித்தது. அந்த இலக்கை நோக்கியே நாம் இன்னும் பயணித்துக் கொண்டிருக்கிறோம். நமது நாடு நீண்ட காலமாக பெரும் முயற்சிகளை மேற்கொண்டு அதன் பலனை வெளிப்படுத்தியுள்ளது. இந்தப் பிரச்சினைக்கு இதுவரை உலகம் தீர்வு காணவில்லை என ஜனாதிபதி ரணில் விக்கிரமசிங்க ஐக்கிய நாடுகளின் பொதுச் சபையில் உரையாற்றும் போதே குறிப்பிட்டிருந்தார். அது நம்மைப் போன்ற சிறிய நாடுகளுக்கானது.

விடயத்துக்குப் பொறுப்பான அமைச்சர் பிரசன்ன ரணதுங்க இந்த குடியிருப்பு தினத்தின் நோக்கங்களை அடைவதற்காக தொடர்ச்சியாக உழைத்து வருகிறார். பிரேரணைகளை முன்வைத்து, கலந்துரையாடல்களை நடாத்தி, வெளிநாட்டு உதவிகளைப் பெற்றுக் கொள்வதன் மூலம் மேற்கொள்ளப்பட்ட முயற்சிகளை நன்றியுடன் நினைவு கூருகிறேன்.

அடிப்படைத் தேவைகளுக்கு மேலதிகமாக, கல்வி, சுகாதாரம் மற்றும் சுற்றுச்சூழல் ஆகியவை இன்றைய காலகட்டத்தில் மற்ற முக்கியமான பிரச்சினைகளாக உலகின் ஒவ்வொரு நாடுகளாலும் ஏற்றுக்கொள்ளப்படுகின்றன. வாழ்வதற்கு ஏற்ற சூழலின் தேவை, கல்வி வசதிகள் மற்றும் சுகாதாரம் அனைத்தும் ஒரு குடியிருப்பில் அடங்கும்.

இந்த நகரங்களைச் சுற்றிலும் குடிசைகள் உள்ளன. இலங்கைப் பிரதமர் ரணசிங்க பிரேமதாச அவர்கள் இலங்கைப் பிரதிநிதிக் குழுவிற்குத் தலைமை தாங்கி, உலக குடியிருப்பு  தினம் பற்றிய யோசனையை முதன்முறையாக உலக மனிதக் குடியிருப்பு  அமைப்பிடம் முன்வைத்தார் அது உலக மாநாட்டின் கவனத்திற்கு எடுத்துக்கொள்ளப்பட்டது. ஐக்கிய நாடுகள் சபை முன்மொழிவை ஏற்க வேண்டியிருந்தது. அதன்பிறகு, நமது அரச தலைவர்கள் அந்த நிகழ்ச்சி நிரலை மேலும் முன்னெடுத்துச் செல்ல முடிந்தது.

முன்னாள் ஜனாதிபதி மஹிந்த ராஜபக்ஷவின் காலத்தில் எமது நாட்டின் குறைந்த வருமானம் பெறும் மக்களுக்கு பல இலட்சம் வீடுகள் வழங்கப்பட்டுள்ளன. மேலும், வீடுகள் கட்ட பல்வேறு திட்டங்களை தயாரித்து ஆதரவு அளித்தார்.

இக் குடியிருப்புகளில் வாழும் பிள்ளைகளின் ஆரோக்கியத்திற்கு சுத்தமான நீர் மற்றும் அவர்களின் எதிர்கால இருப்பை உறுதிப்படுத்த கல்வி அவசியம். அந்த உண்மைகளின் அடிப்படையில், வாழ்க்கைத் தேவைகளைப் பூர்த்தி செய்யக்கூடிய ஒரு குடியிருப்பைக் கட்டியெழுப்ப நாம் நம்மை அர்ப்பணிக்க வேண்டும்.

எமது அனுபவங்களும் பங்களிப்புகளும் சர்வதேச ரீதியாகவும் கருதப்படுகின்றன. குடியிருப்பு என்பது வரவிருக்கும் BIMSTEC உச்சி மாநாட்டுக்கும் பொறுப்பான ஒன்றாகும். இப்போதும் அதுதொடர்பான உரையாடல்கள்> தகவல்கள், புள்ளி விபரங்களைத் தொகுத்துத்தான் நடைபெற்று வருகின்றன. இப்படிப்பட்ட அனுபவங்களோடு நாம் முன்னேற வேண்டும்.

எமது பிரதேசம் பாதியளவு கூட அதிகரிக்கவில்லை. மேலும், நகர்புறத்தை முறையாக நிர்வகிக்க வேண்டும். இல்லை என்றால் மேலும் பல பிரச்சினைகளை சந்திக்க நேரிடும். உலக குடியிருப்பு தினமான இந்நாளில், மக்களின் வாழ்க்கை, பாதுகாப்பு மற்றும் வளர்ச்சிக்கு உறுதுணையாக இருக்கும் நடவடிக்கைகள் குறித்து மேலும் உரையாடல்கள் நடைபெறும் என்று நம்பப்படுகிறது.

இன்று நமது சவால்கள் மாறிவிட்டன. இருட்டில் பார்க்கும் காலம் முடிந்துவிட்டது. மைல்கணக்கான மின் கேபிள்களை இனி இயக்க வேண்டிய அவசியமில்லை. ஒரு குடியிருப்புக்கு மின்சாரம் வழங்க கோடிக்கணக்கில் செலவு செய்ய வேண்டியதில்லை. அது நிரூபிக்கப்பட்டுள்ளது. இன்று நாம் எதிர்கொள்ளும் சவால் சூரிய வெப்பத்தை மின்சாரமாக மாற்றுவது. எனவே புதிதாக சிந்திக்க வேண்டும். செலவுகளைக் குறைக்க வேண்டும். சுற்றுச்சூழலை பாதிக்காத வகையில் புதிய தொழில்நுட்பத்தை அறிமுகப்படுத்த வேண்டும். அதற்கு ஐக்கிய நாடுகள் சபை எங்களுக்கு ஆதரவளிக்க தயாராக உள்ளது. அதே போல, மற்ற எல்லா துறைகளையும் திட்டமிடும் சவாலை நாம் சமாளிக்க வேண்டும்.

அமைச்சர் தேனுக விதானகமகே,

1986 ஆம் ஆண்டில், கென்யாவின் நைரோபியில் உலக குடியிருப்பு தினம் அறிவிக்கப்பட்டது, மேலும் “வீடு எனது உரிமை” என்ற கருப்பொருளாக இருந்தது. அப்போதிருந்து, உலக குடியிருப்பு தினம் ஒவ்வொரு ஆண்டும் வெவ்வேறு கருப்பொருள்களின் கீழ் கொண்டாடப்படுகிறது. ஒவ்வொரு ஆண்டும் அக்டோபர் மாதத்தின் முதற் திங்கட்கிழமை உலக குடியிருப்பு தினமாக கொண்டாட ஐக்கிய நாடுகள் பொதுச் சபை முடிவு செய்துள்ளது. அன்றைய தினம் உலகின் பல நாடுகளில் குடியிருப்பு தினமாக கொண்டாடப்படுகிறது.

ஐக்கிய நாடுகளின் வீடமைப்புத் திட்டம் நகரமயமாக்கலால் எழும் வீட்டுப் பிரச்சினைகளுக்கான திட்டங்களைத் தயாரிக்கிறது. மேலும் அது செயல்படுத்தப்படுகிறது.

கிராமப்புறங்களில் வசிக்கும் மக்கள் நகரங்களுக்கு இடம் பெயர்ந்து வருகின்றனர். சிறந்த வாழ்க்கைத் தரத்தைத் எதிர்பார்த்து பலர் நகரங்களுக்குச் செல்கிறார்கள். யதார்த்தம் அதுவல்ல. நகரமயமாக்கலால் ஏற்படும் பிரச்சினைகளுக்கு தீர்வு காணும் மையமாக நகரம் மாறுகிறது.

இந்த மக்களின் வாழ்க்கைத் தரத்தை மேம்படுத்த நகரமே ஒரு அலகாகச் செயல்பட வேண்டும். நகரங்களுக்கு வருபவர்களுக்கு வேலை வழங்கவும், தொழில் தொடங்கவும் முடியும். கிராமப்புற மக்களின் எதிர்காலத்தை சிறப்பாகவும் வளமாகவும் மாற்ற நகரத்தை ஒரு அலகாக திட்டமிட வேண்டும். இந்த ஆண்டு உலக குடியிருப்பு தினத்தின் கருப்பொருள் பாதுகாப்பான நகர பொருளாதாரம் என பெயரிடப்பட்டுள்ளது.

பாதுகாப்பான நகர பொருளாதாரத்திற்கு நாம் தயாராக வேண்டும். குடியிருப்பு நகரமயமாக்கல் பற்றிய கொள்கைகள் எங்களிடம் உள்ளன. அந்தக் கொள்கைகளின் அடிப்படையில் நீண்ட கால வளர்ச்சித் திட்டம் உள்ளது. இங்கு, பயனடையும் சமூகத்தின் பொருளாதார நடவடிக்கைகளில் நாம் கவனம் செலுத்த வேண்டும். அபாயகரமான பொருளாதார நடவடிக்கைகளில் இருந்து அவர்கள் அகற்றப்பட வேண்டும்.

அவர்களின் வாழ்க்கைத் தரத்தை மேம்படுத்துவதோடு, அதில் கவனம் செலுத்தப்பட வேண்டும். அதன்படி, 2023 ஆம் ஆண்டளவில் நமது நீண்டகாலத் திட்டங்களுக்கு இடையூறு இல்லாமல் நிலையான அபிவிருத்தியை அடைவதன் மூலம் பாதுகாப்பான நகரமயமாக்கலுக்கு நாம் செயல்பட வேண்டும். அதற்கு, நகர அபிவிருத்தி, தேசிய வீடமைப்பு அபிவிருத்தி> நகர குடியிருப்பு அபிவிருத்தி ஆகிய நிறுவனங்கள் முழு நேரமும் உழைக்க வேண்டும்.

சர்வதேச போக்குகள் கொள்கை திட்டமிடல் மற்றும் நடுத்தர மற்றும் குறுகிய கால அபிவிருத்தி திட்டங்களில் தெளிவாக சேர்க்கப்பட வேண்டும். உலகெங்கிலும் உள்ள நிலைமைகளை ஆய்வு செய்து, அதற்கேற்ப நமது திட்டங்களைத் தயாரிக்க வேண்டும். உலக குடியிருப்பு தினத்தை மற்றுமொரு நிகழ்வாக மாற்றாமல், அதை உண்மையாக்க திட்டமிடுவோம்.

நகர அபிவிருத்தி மற்றும் வீடமைப்பு அமைச்சின் செயலாளர். எஸ். சத்யானந்த, ஐக்கிய நாடுகளின் மனிதக் குடியிருப்புத் திட்டத்தின் இலங்கை அலுவலகத்தின் திட்ட முகாமைத்துவ அதிகாரி Mr. Salem Karimzada இங்கு உரையாற்றினார்கள்.