சிலிண்டர் பயன்படுத்தறீங்களே இதெல்லாம் தெரிஞ்சு வெச்சிருக்கீங்களா?

சிலிண்டர்

நகரங்கள் முதல் கிராமங்கள் வரை சிலிண்டர் பயன்பாடு நிறைந்திருக்கிறது. அன்றாட பயன்பாட்டில் சிலிண்டர் இல்லாமல் எந்த வேலையும் செய்ய முடியாது என்னும் மன நிலையில் தான் பல பெண்கள் இருக்கிறார்கள். அடுப்புக்கு மாற்றாக வந்த சிலிண்ட ருக்கு பிறகு இண்டக்‌ஷன் ஸ்டர், எலக்ட்ரிக் ரைஸ் குக்கர், அவன் என பல கண்டுபிடிப்புகள் சமையல் செய்வதற்கு இருந்தாலும் இன்றுவரை சிலிண்டரை விட சிறந்தது என்ற பெயரை பெறவில்லை என்பது குறிப்பிடத்தக்கது.

நாளுக்கு நாள் இத்தகைய கண்டுபிடிப்புகள் அதிகரித்துவந்தாலும் கூட சிலிண்டரின் பயன்பாடு அதிகரித்துதான் வருகிறது. பயன்பாட்டுக்கு ஏற்ப இதில் ஆபத்துகளும் நிறைந்திருக்கிறது என்பதையும் மறுக்க முடியாது. பயன்படுத்துவதற்கு எளிதானது. அனைவராலும் எளிதாக கையாளமுடியும் என்றும் சொல்லலாம். ஆனாலும் சமயத்தில் விபத்தை ஏற்படுத்திவிடவும் செய்கிறது என்பதையும் மறுக்க முடியாது.

​​சிலிண்டரால் விபத்து

சிலிண்டர் வெடித்து விபத்து ஏற்படும் சம்பவங்கள் அவ்வபோது நடக்கிறது. கோடிக் கணக்கான மக்கள் சிலிண்டரை பயன்படுத்தும் நிலையில் பல நேரங்களில் விபத்து சம்பவங்கள் நடக்கும் போதெல்லாம் இது குறித்து பாதுகாப்பான விழிப்புணர்வை கொடுக்கிறார்கள். எனினும் சிலர் அறியாமல் சில தவறுகளை செய்துவிடுவதும் உண்டு. சிலிண்டரை உபயோகப்படுத்துபவர்கள் அதை பராமரிக்கும் விஷயத்தில் கவனம் செலுத்துவதில்லை என்பதும் இதற்கு ஒருவித காரணமாக சொல்லலாம்.

சிலிண்டரை பயன்படுத்துபவர்கள் இது குறித்த போதிய விழிப்புணர்வையும் அதை பாதுகாப்பாக வைத்திருக்கும் வழிமுறைகளையும் தெரிந்து வைத்துகொள்வது நல்லது. இனி சிலிண்டரை கையாளும் வழிமுறைகளையும் தெரிந்துகொள்வோமா?

​சிலிண்டரை இப்படிதான் வைக்க வேண்டும்

சமையல் அறையில் சிலிண்டரை வைக்கும் போது அந்த அறையில் மின்சாதன பொருள் களை பயன்படுத்துவதையும் தவிர்க்க வேண்டும். மின்சாதன பொருள்களில் எப்போ தேனும் ஏற்படும் மின் அழுத்த ஏற்றதாழ்வில் சிலிண்டரிலும் கசிவை உண்டாக்கி ஆபத்தை ஏற்படுத்திவிட வாய்ப்பு உண்டு. ஒரு சிலிண்டருக்கு அருகிலேயே இன்னொரு சிலிண்டரை வைக்க வேண்டாம்.

தற்போது மாடுலர் கிச்சன் என்ற பெயரில் சிலிண்டரை மரத்தால் ஆன கபோர்டு இருக் கும் இடத்தில் வைத்து மூடிவிடுவார்கள். இதனால் சிலிண்டரில் இருந்து வாயு கசிந்தாலும் அது வெளியே தெரிவதில்லை. அதனால் சிலிண்டரை காற்றோட்டமான இடத்தில் நிற்க வைக்க வேண்டும். சிலர் சிலிண்டரை செங்குத்தாக வைப்பதும் கூட விபத்துக்கு காரணமாகிவிடக்கூடும்.

​​அடுப்பில் பொருள்கள் இருக்கும் போது

சிலிண்டரை மாட்டும் போதிருந்து சில விஷயங்களை கடைபிடிக்க வேண்டும். சிலிண் டரை பொருத்துவதற்கு முன்பு அதன் மூடியை திறந்ததும் அதில் கசிவு வெளியேறுகிறதா என்று கவனிக்க வேண்டும். சோப்பு நீர் கலந்த நீரை அதன் வாய்புறம் ஊற்றினால் வாயு கசிந்தால் அதில் குமிழ் உருவானால் கசிவு இருப்பதை உணரலாம். அப்படி இருந்தால் உடனடியாக சிலிண்டர் மூடியை கொண்டு மூடிவிடவும்.

சமைக்கும் போது அடுப்புக்கு அருகில் காற்று வரக்கூடிய அளவு ஜன்னல் திறந்திருந்தால் அதை தடுத்துவிடுங்கள். இதனால் சமைக்கும் போது அடுப்பு காற்றுக்கு அணைந்து அதிலிருந்து கசியும் வாயுவால் ஆபத்து உண்டாகலாம். அடுப்பு அருகில் வெப்பம் அதிகமான பொருள்களை வைத்திருக்க வேண்டாம். குறிப்பாக எளிதில் தீ பற்றும் பொருள்களை வைக்க வேண்டாம்.

சமைக்கும் போது குறிப்பாக பால் பாத்திரத்தை அடுப்பில் வைத்துவிட்டு எங்கேயும் போக வேண்டாம். இதனால் பால் பொங்கி வழிந்து அடுப்பு அணைந்து கேஸ் லீக் ஆக கூடும். இரவு தூங்கும் போதும் சிலிண்டரை அணைத்து விட்டு படுக்க வேண்டும். அதே போல் காலையில் எழுந்ததும் உடனடியாக கேஸ் அடுப்பு அருகில் சென்று பற்ற வைக்காமல் முதலில் ஜன்னல் திறந்து வெளிச்சம் வந்த பிறகு அடுப்பை பற்ற வையுங்கள்.

​அடுப்புக்கு லைட்டர் வேண்டாம்

பொதுவாக கேஸ் அடுப்பு பற்ற வைக்க லைட்டரை பயன்படுத்தி வருகிறோம். ஆனால் அடுப்பை பற்ற வைக்கும் போது லைட்டரில் ஏதேனும் அடைப்பு இருந்தால் அவை எளிதில் தீப்பொறியை வெளிப்படுத்தாது. அந்த நேரம் வெளியேறும் கேஸ் கசிவானது மீண்டும் மீண்டும் லைட்டரை பற்றவைக்கும் போது உண்டாகும் தீபொறியில் குபீரென் பற்றி முகத்தில் அடிக்க கூடும். இது போன்ற விபத்துகளும் அவ்வபோது நடப்பதுண்டு. இதில் சில பெண்களின் முகம் பாதிப்புக்குள்ளாகியிருக்கிறது. இயன்றவரை தீக்குச்சிகளை கொண்டு அடுப்பை பற்றவையுங்கள்.

ஆறு மாதங்களுக்கு ஒரு முறை கேஸ் பைப் லைனை மாற்றுங்கள். வருடத்துக்கு ஒருமுறை அடுப்பு கேஸ் லைன் வரும் பைப் அனைத்தையும் செக் செய்யுங்கள். கசிவு இருப்பது போல் சந்தேகம் இருந்தால் தயங்காமல் உங்கள் கேஸ் ஏஜென்சியை தொடர்பு கொள்ளுங்கள்.