“குடு” போதைப்பொருளுடன் பெண் உள்ளிட்ட இருவர் கைது

‘குடு’ போதைப்பொருளை உடைமையில் வைத்திருந்த குற்றச்சாட்டில் பெண் உட்பட இருவரை வவுனியா பொலிஸார் கைது செய்துள்ளனர்.

வவுனியா மகாறம்பைக்குளம் பகுதியில் போதைப் பொருள் விற்பனை இடம்பெற்று வருவதாக வவுனியா பொலிஸ் நிலைய போதைத்தடுப்பு பொலிஸாருக்கு கிடைத்த தகவலுக்கமைய மேற்படி பகுதியில் உள்ள வீடொன்றைச் சோதனையிட்ட பொலிஸார் அங்கு 10 கிராம் ‘குடு’போதைப்பொருளை மீட்டனர்.

மேற்படி போதைப்பொருளை உடைமையில் வைத்திருந்த குற்றச்சாட்டில் அதே பகுதியை சேர்ந்த 45 வயதுடைய பெண் ஒருவரும் 26 வயதுடைய ஆண் ஒருவரும் பொலிஸாரால் கைது செய்யப்பட்டனர்.

கைது செய்யப்பட்டவர்கள் மேலதிக விசாரணைகளின் பின்னர் வவுனியா நீதிமன்றில் முன்னிலைப்படுத்தப்படவுள்ளதாகப் பொலிஸார் தெரிவித்தனர்.

மேற்படி கைது நடவடிக்கை வவுனியா தலைமை பொலிஸ்நிலைய பொறுப்பதிகாரி ஏ.எஸ்.ஜெயக்கொடியின் வழிகாட்டலில் உப பொலிஸ் பரிசோதகர்களான மதுசங்க மற்றும் நிஷன்சலா மற்றும் பொலிஸ் சார்ஜன்களான ஹேரத், மஞ்சுலா , பொலிஸ் கொஸ்தாபல்களான விதானகே, ஜமிந்த ,மிதுசன் , பெண் பொலிஸ் கொஸ்தாபல் ஜதுனி ஆகியோரை உள்ளடக்கிடய பொலிஸ் குழுவினரால் முன்னெடுக்கப்பட்டது.