பாடசாலைகளில் ஒரு வருடத்தில் ஒரு தவணை மட்டுமே பரீட்சை

2024ஆம் ஆண்டு முதல் அனைத்துப் பாடசாலைகளிலும் ஆண்டுக்கு ஒருமுறை மட்டுமே தவணை பரீட்சை நடத்த முடிவு செய்யப்பட்டுள்ளதாக கல்வி அமைச்சு குறிப்பிட்டுள்ளது.

தரம் 01 முதல் உயர்தரம் வரை அதாவது தரம் 13 வரை ஒவ்வொரு பாடசாலையிலும் நடைமுறைப்படுத்தப்பட உள்ளதாக குறிப்பிடப்பட்டுள்ளது.

இதுவரை காலமும் ஒவ்வொரு பாடசாலையிலும் ஒரு வருடத்தில் மூன்று தவணை பரீட்சைகள் நடத்தப்பட்டு வந்தன. ஒவ்வொரு பாடத்திலும் கற்பிக்கப்படும் பாடத்திட்டத்தின் அடிப்படையில் ஒவ்வொரு தவணையின் முடிவிலும் ஒரு தேர்வு நடத்தப்பட்டது மற்றும் ஒவ்வொரு பாடத்திலும் மாணவர்கள் பெற்ற மதிப்பெண்கள் மற்றும் அந்தந்த தரத்தில் அவர்களின் நிலை ஆகியவையும் அறியப்பட்டன.

பாடசாலை மாணவர்களுக்கான பாடத்திட்டம் மற்றும் பாடசாலையின் சுமையை குறைக்கும் வகையில் வருடத்திற்கு ஒரு முறை தவணைப் பரீட்சை நடத்துவதற்கு கல்வி அமைச்சர் தீர்மானித்துள்ளதாக குறிப்பிடப்படுகிறது.