நிந்தவூர் அல் மஸ்ஹர் பெண்கள் உயர்பாடசாலையில் முதலாம் தரத்தில் இணைந்த மாணவர்கள் வரவேற்பு!

(அஸ்ஹர் இப்றாஹிம்)

2024 ஆம் புதிய கல்வி ஆண்டின் முதலாம் தரத்திற்கு இணைந்து கொண்ட மாணவர்களை வரவேற்று மகிழ்விக்கும் நிகழ்வு நிந்தவூர் அல்- மஸ்ஹர் பெண்கள் உயர்தர பாடசாலையின் அதிபர் எம்.ரி. நௌபல் அலி தலைமையில் இடம்பெற்றது.

இந் நிகழ்வில் அகில இலங்கை மக்கள் காங்கிரஸ் கட்சியின் பிரதி தேசிய அமைப்பாளரும்,  நிந்தவூர் பிரதேச சபையின் முன்னாள் தவிசாளருமான எம்.ஏ.எம். அஷ்ரப்( தாஹிர்) பிரதம அதிதியாகவும் ,   அல்- மஸ்ஹர் பெண்கள் உயர்தர பாடசாலை அபிவிருத்தி குழு உறுப்பினரும் நிந்தவூர் பிரதேச சபையின் முன்னாள்  உறுப்பினரும் சட்டத்தரணியுமான ஏ.எல். றியாஸ் ஆதம், அல்- மஸ்ஹர் பெண்கள் உயர்தர பாடசாலையின் ஓய்வு நிலை அதிபர் ஏ.எல். நிசாமுதீன் ஆகியோர் கௌரவ அதிதிகளாகவும் மற்றும் பாடசாலையின் ஆசிரியர்கள், பெற்றோர்கள், மாணவர்களென பலரும் கலந்து கொண்டனர்