அரச அதிகாரிகாரிகளை அச்சுறுத்திய ஏறாவூர் நகரசபை தவிசாளர்:
இந்நிலைமை தொடர்பாக விவசாய அமைப்புக்கள் நீர்ப்பாசன பொறியியலாளர் , பிரதேச செயலாளர்,சுற்றாடல் அதிகாரசபை போன்றவற்றிக்கு அறிவித்ததன் பிரகாரம் குறித்த பகுதியை அதிகாரிகள் நேற்றைய தினம் பார்வையிடச் சென்றுள்ளனர். இவ் விஜயம் தொடர்பாக சம்பந்தப்படட சகல அதிகாரிகளுக்கும் முன்னாள் பாராளுமன்ற உறுப்பினர்களுக்கும் கமநல அமைப்பினால் அறிவித்தல்களும் வழங்கப்பட்டிருந்தது.
இதன்படி அதிகாரிகள் குறித்த இடத்தை பார்வையிடல் சுமுகமாக நடைபெற்றுக் கொண்டு இருக்கையில் திடீரென அங்குவந்த ஏறாவூர் நகர பிரதேச சபை தவிசாளர் அநாகரிகமான ,இனவாதத்தை தூண்டும் வார்த்தைகளால் அதிகாரிகளையும் விவசாய பிரதிநிதிகளையும் தூசித்ததோடு விவசாய பிரதிநிதிகளை தாக்கவும் செய்துள்ளார்,
மேலும் பிரதேச சபை தவிசாளருடன் வந்திருந்த பிரதேச சபை ஊழியர்களும் கம்பு பொல்லுகளுடன் தாக்க முற்பட்டதோடு. “நீங்கள் எனது பிரதேசத்துக்குள் நிற்கிறீர்கள்”, நான் நினைத்தால் உங்களை எதுவும் செய்யலாம்”, “நீங்கள் ஒருவரும் வீடு போய் சேர மாட்டீர்கள்” என்றும் அதிகாரிகளை கடமையை செய்யவிடாது அச்சுறுத்தியுள்ளார்.
அந்த நேரத்தில் குறித்த பகுதிக்கு சென்ற முன்னாள் பாராளுமன்ற உறுப்பினர் ஞா.ஸ்ரீநேசன் இனகலவரம் ஒன்று இடம்பெறா வண்ணம் அரச அதிகாரிகளையும் விவசாய அமைப்பு பிரதிநிதிகளையும் ஆசுவாசப்படுத்தி பாதுகாப்பாக வெளியேற்றியுள்ளார்.
அதனை தொடர்ந்து அரச அதிகாரிகாரிகள் தமது கடமைகளுக்கு இடையூறு விளைவித்தமை தொடர்பாகவும் , விவசாய அமைப்பு பிரதிநிதிகள் தவிசாளரால் தாக்கப்பட்டமை தொடர்பாகவும் ஏறாவூர் பொலிசில் முறைப்பாடு செய்துள்ளனர்.
முன்னாள் பாராளுமன்ற உறுப்பினர் ஞா.ஸ்ரீநேசன் அங்கு சமூகமளிக்காது இருந்தால் , இவ்விடயம் ஒரு இன வன்முறைக்காக உருவெடுத்திருக்கும் என்றும் இந்த விடயம் தொடர்பாக முன்னாள் அரசியல்வாதிகளுக்கு நேரில் சென்று அழைப்பு விடுத்திருந்த போதிலும் முன்னாள் பாராளுமன்ற உறுப்பினர் ஞா.ஸ்ரீநேசனை தவிர வேறு எவரும் சம்பவ இடத்திற்கு வருகை தரவில்லை. என்றும் விவசாயிகள் கவலை வெளியிட்டுள்ளனர்.
அண்மைய செய்திகள்
கருத்துக்களேதுமில்லை